Jorge Valdano, lojtar i Real Madridit (1984-1987) dhe trajner i tij (1994-1996), analizoi ndeshjen e kthimit çerekfinale të Champions League, ku madrilenët duhet të përmbysin humbjen 2-1 ndaj Bayern Munich në “Allianz Arena”.
Ish-futbollisti 70-vjeçar deklaroi në “Movistar Plus+ Deportes” se “nuk mund ta marrim si precedent ndeshjen kundër Girona (1-1), një takim që Real Madridi e luajti pothuajse pa stimuj dhe 7 pikë pas Barcelonës. E meritoi fitoren, por jo shumë qartë. Ishte dominues dhe pati raste të mjaftueshme, por nuk ishte një ndeshje ku u pa skuadra me shpirt”.
Valdano shtoi se “Real Madridit do t’i duhet shpirti i vet karakteristik në Mynih” dhe nënvizoi: “Luan kundër një ekipi të madh, në transfertë…, por unë e shoh ende në jetë Real Madridin”.
Duke iu referuar historisë, ai u shpreh: “Kur Real Madridi është në situata të dëshpëruara në La Liga, atëherë jep përgjigjet më të mira në Champions. Personalisht nuk e përjashtoj që mund ta japë goditjen e madhe në Mynih”.
The post Apel “shpirti” i Valdanos para kthimit në Mynih: E shoh ende në jetë Real Madridin, pres goditjen e madhe ndaj Bayernit appeared first on Telesport.
