Ish banorja e BBVK Anisa Veseli i është nënshtruar operacionit për skoliozën.
Në një postim në Instagram, Anisa ka publikuar pamje nga shtrati i spitalit, duke treguar se e ka kaluar me sukses këtë sfidë të madhe shëndetësore.
“Një rrugëtim force dhe durimi,” shkruan Anisa, duke rrëfyer se operacioni ka qenë një sfidë e gjatë, e mbushur me pritje dhe vështirësi, por mbi të gjitha me besim dhe vendosmëri për t’ia dalë. Ajo theksoi se nuk ka qenë e lehtë të përballej me dhimbjet dhe pasiguritë, por mbështetja e familjes dhe miqve e ka ndihmuar të kalojë këtë periudhë sfiduese.
“Jini të fortë, keni durim dhe besoni në veten tuaj. Sado e vështirë të duket rruga, mos harroni se brenda jush ekziston një forcë e jashtëzakonshme për të përballuar gjithçka!”.
