Trajneri i Brazilit, Carlo Ancelotti, i minimizoi thirrjet e tifozëve për Neymar, i cili nuk u grumbullua në kombëtare për dy miqësoret e këtij muaji. Të parën, Brazili e humbi 1-2 ndaj Francës, ndërkohë që trajneri italian theksoi se fokusi duhet të mbetet te lojtarët e përfshirë.
“Tani për tani duhet të flasim për ata që janë këtu, që luajtën, që dhanë gjithçka, që treguan karakter, që punuan shumë. Dhe jam i kënaqur,” u tha Ancelotti gazetarëve pas humbjes.
Më tej, trajneri italian komentoi: “Mendoj se Raphinha luajti shumë mirë. Ai pati disa shqetësime muskulore në fund të pjesës së parë dhe na u desh ta zëvendësonim, por ai pati shumë mundësi dhe lëvizje shumë të mira pa top. Vini gjithmonë përpiqet; ai gjithmonë bën diferencën. Një sulmues nuk mund të shënojë gjithmonë, por puna e bërë nga të dy ishte e mirë“.
“Mendoj se ndeshja e djeshme ma bën shumë të qartë se mund të konkurrojmë me ekipet më të mira në botë. Nuk kam asnjë dyshim për këtë,” tha Ancelotti, që do të vijojë punën në Amerikë me Brazilin për miqësoren e 31 marsit ndaj Kroacisë.
Në lidhje me Neymar, trajneri Ancelotti ka thënë vazhdimisht se sulmuesi do të merret në konsideratë nëse është plotësisht i aftë. Pavarësisht humbjes dhe mungesës së Neymar, italiani tha se performanca e përforcoi besimin e tij në potencialin e skuadrës. Neymar, golashënuesi më i mirë i të gjitha kohërave i Brazilit me 79 gola, nuk ka luajtur për ekipin kombëtar që kur pësoi një dëmtim të rëndë në gju, në tetor 2023.
The post Ancelotti: Nuk flas për Neymar por për ata që janë në kombëtare, humbëm por jam i kënaqur appeared first on Telesport.
