Administrata e presidentit amerikan, Donald Trump mori një qëndrim të ashpër ndaj Amazonit, pas njoftimeve se kompania do të fillonte të shfaqte koston e tarifave të presidentit amerikan, Donald Trump mbi produktet e saj.
Karoline Leavitt, sekretarja e shtypit e Shtëpisë së Bardhë, e quajti këtë veprim një “akt armiqësor dhe politik”, shkruan skynews.
Sipas raportit të Punchbowl News, Amazon ka planifikuar të tregojë se sa nga çmimi i një produkti përbëhet nga tarifat, duke i vendosur ato pranë çmimit total të produktit. Ky hap mund të ndihmojë në ilustrimin e ndikimit të tarifave të Trumpit në çmimet që paguajnë konsumatorët amerikanë.
Ky veprim mund të ndikojë negativisht në marrëdhënien mes administratës Trump dhe Amazon, përfshirë themeluesin Jeff Bezos, duke minuar çdo vullnet të mirë të ndërtuar deri tani.
Leavitt, gjatë një konferencë për media në Shtëpinë e Bardhë, tha se kishte diskutuar këtë çështje me presidentin Trump më herët atë ditë, duke e quajtur veprimin nga Amazon si një qëndrim të papranueshëm dhe politik.
Ajo theksoi gjithashtu një raport të reuters nga viti 2021 që përmendte një partneritet të Amazon me një “krahu propagande të Kinës” dhe u bëri thirrje amerikanëve që të preferonin produktet amerikane.
“Ky është një tjetër arsye pse duhet të mbështesim zinxhirët e furnizimit vendas dhe të rrisim prodhimin në Shtetet e Bashkuara”, tha Leavitt.
Reagimi në treg ishte i menjëhershëm, me aksionet e Amazon që ranë me më shumë se 1 për qind gjatë mëngjesit të martës pas këtyre komenteve. Leavitt, megjithatë, nuk pranoi të komentonte lidhur me ndikimin që ky zhvillim mund të ketë mbi marrëdhënien midis Trump dhe Bezos, i cili ka përpjekur të mbajë një marrëdhënie të ngrohtë me administratën, duke e lavdëruar presidentin për fitoren e tij në zgjedhje dhe duke darkuar në Shtëpinë e Bardhë.
Në vitin 2016, Amazon kontribuoi me 1 milion dollarë në fondin inaugurues të Trumpit. Po ashtu, lideri amerikan e ka lavdëruar Bezos, duke thënë për të në një intervistë me The Atlantic: “Ai ka qenë i shkëlqyer”.
Pavarësisht kësaj, vlera neto e Bezos ka pësuar një rënie të dukshme që nga fillimi i vitit, për shkak të politikave tarifore të administratës Trump.
