Real Madrid është rikthyer te fitorja në La Liga, pasi mposhti në transfertë Alaves me shifrat 1-2. Pjesa e parë është mbyllur 0-1 për madrilenët, të cilët gjetën golin me Kylian Mbappe.
Francezi ka lënë pas shqetësimet që ka pasur në kofshë dhe shënoi një gol shumë të bukur në minutën e 24-të, pas asistit që mori nga Jude Bellingham.
Kylian Mbappé duhet të shënojë edhe 3 gola të tjerë për të thyer rekordin e Cristiano Ronaldos për më shumë gola në 1 vit kalendarik si lojtar i Real Madridit. Ronaldo ka shënuar 59 gola, Mbappe aktualisht ka 57 gola.
Në minutën e 67-të, pas një topi të gjatë të marrë nga Antonio Blanco, Carlos Vicente zë në befasi madrilenët dhe mposht Thibaut Courtois. Ndërhyn VAR, goli është i rregullt.
Madrilenët nuk u demoralizuan dhe gjetën sërish avantazhin në minutën e 76-të, ku Rodrygo shënoi pas një asisti dhe kombinimi të mrekullushëm me Vinicius Junior. Rezultati mbeti i pandryshuar deri në fund, Alaves-Real Madrid 1-2.
Pas kësaj fitoreje, Real Madrid mban vendin e dytë me 39 pikë, 4 pikë më pak se Barcelona e vendit të parë, ndërsa Alaves renditet në vendin e 12-të.
Kjo fitore mund të sjellë pak qetësi për Xabi Alonso-n, i cili ka qenë nën presion të madh këto ditë, pasi në rast dështimi sot, rrezikonte shumë shkarkimin.
The post Alonso “ia hedh” edhe këtë javë, Real Madrid vuan por del me 3 pikë nga transferta ndaj Alaves (video) appeared first on Telesport.
