Milani humbet një rast të madh për t’u shkëputur nga Napoli dhe për të mbetur pranë Interit. Penalltia e humbur nga Stanciu në sekondat e fundit e bën më pak të hidhur barazimin ndaj Genoa. Massimiliano Allegri e çon në 17 serinë e ndeshjeve pa humbje (humbja e vetme në kampionat erdhi në javën e parë ndaj Cremoneses), por pranon vështirësitë kundër skuadrave “të vogla”, pavarësisht 33 gjuajtjeve (8 në portë).
“Pikë e fituar apo jo? Në futboll merr atë që të jep rezultati, – tha Allegri. – Pjesa e parë ishte e vështirë, ata vrapuan shumë dhe e mbuluan mirë Modrić. Në të dytën rritëm intensitetin, por pas barazimit në minutën e 91-të duhej më shumë qetësi, të kontrollonim topin dhe të mos rrezikonim kundërsulmin”.
Për golin e Colombo: “Ishte i zoti ai, Gabbia rrëshqiti. Ndeshjet zgjasin 100 minuta, duhet durim”. Për momentin e ekipit: “Është moment i rëndësishëm dhe i vështirë. Krijuam shumë, por në fund nuk vlejti. Tani të përgatitemi për Firencen, do të jetë shumë e vështirë”. Për Leão: “Nuk është në formën më të mirë, por ishte vendimtar dhe barazoi”.
The post Allegri humb ritmin e kreut: Krijuam shumë, por në fund nuk vlejti. Në futboll merr atë që…. appeared first on Telesport.
