Trent Alexander-Arnold pranoi se Real Madrid e përdori të qenurit në pozicionin e jofavorit kundër Manchester City si motivim. Pas ndeshjes, ai deklaroi: “A nuk supozohej se duhej të na mposhtnin?”
Trigolëshi i Federico Valverde në pjesën e parë i siguroi Real një fitore mahnitëse ndaj City edhe pse për “los blancos” mungonin lojtarë si Kylian Mbappe, Jude Bellingham dhe Rodrygo.
Alexander-Arnold pati një nga netët e tij më të mira që kur u bashkua nga Liverpool, duke bllokuar Jeremy Doku dhe sulmin e City, i cili me të vërtetë luftoi për të hapur njësinë mbrojtëse të Real.
“Pati shumë zhurmë kur u hodh shorti dhe para kësaj ndeshjeje, veçanërisht mënyra se si kemi luajtur ndeshjet e fundit dhe rezultatet që kemi pasur. Shumë njerëz prisnin që të na mposhtnin sonte, por kjo tregon mentalitetin”, tha Arnold.
“Nuk ka rëndësi se çfarë lëndimesh ke, çfarë lojtarësh janë jashtë, kjo garë do të thotë shumë për klubin. Dhe si lojtarë, ne e kuptojmë këtë. Ne e kemi ekzekutuar absolutisht planin e lojës në mënyrë perfekte në pjesën e parë”, shtoi anglezi.
Më tej, Trent Alexander-Arnold tha: “Në Champions League, kushdo mund të mposhtë këdo. Ne e dimë planin tonë të lojës, e ekzekutuam atë dhe shënuam golat tanë pa mëshirë. Duhet të performosh mirë, veçanërisht kur luan për një klub si ky”.
“Nuk ka justifikime, duhet të fitosh. Pra, mentaliteti ynë është të shkojmë deri në fund dhe të fitojmë ndeshjen kur konkurrenca është e fortë, pavarësisht se kush është përpara nesh”, tha Arnold.
“Pavarësisht fitores asgjë nuk ka mbaruar. Kemi parë ndeshje të çmendura midis këtyre dy klubeve më parë, kështu që nuk mund të përjashtojmë asgjë. Nuk marrim asgjë si të mirëqenë dhe do të shkojmë në Etihad dhe do të përpiqemi të fitojmë edhe atje“, tha anglezi.
The post Alexander-Arnold: Na konsideronin të humbur me gjithë këto mungesa, por ne jemi Real Madrid appeared first on Telesport.
