Sa i madh është frikësimi i Bayern Munich për humbjen e Harry Kane? Drejtori sportiv Max Eberl komentoi zërat mbi të ardhmen e sulmuesit anglez 32-vjeçar, veçanërisht klauzolën e lirimit, e vlefshme në verë, që do t’i lejonte largimin nëse një klub paguan 65 milionë euro.
“Nuk mund të konfirmoj zërat se dikush po përgatit diçka. Mund të them vetëm se jemi në kontakt të ngushtë me Harry për atë që ka të bëjë me të dhe suksesin tonë. Hapat e radhës do të vijnë më pas”, – deklaroi Eberl në konferencë për shtyp, para çerekfinales së Kupës së Gjermanisë ndaj Leipzigut.
Kontrata e Kane me gjigantët bavarezë skadon më 2027, por sipas “Kicker”, klauzola nuk ka skaduar më 31 janar dhe vlen deri në fund të shkurtit. Përveç një rikthimi në Angli, përmendet edhe interes nga Arabia Saudite. Në fund të janarit, Eberl kishte konfirmuar bisedimet: “Më është bërë pyetje dhe kam thënë: Po flasim. Nuk kam thënë se po negociojmë. Negociatat nuk kanë nisur ende”.
The post Alarm në Mynih, klauzola e Kane rrezikon Bayernin. Drejtori sportiv: Jemi në kontakt të ngushtë appeared first on Telesport.
