Nga Prokuroria Themelore e Prishtinës kanë konfirmuar se ka përfunduar intervistimi i zyrtarëve të Ministrisë së Mjedisit, Planifikimit Hapësinor dhe Infrastrukturës, lidhur me aksionin e sotëm nën dyshimet për keqpërdorim të detyrës zyrtare.
Kryeprokurori i kësaj prokurorie, Zejnullah Gashi, ka deklaruar për Reporteri.net se intervistimi i zyrtarëve është bërë në cilësinë e të dyshuarve.
“Me autorizim të prokurorit të Prokurorisë Themelore të Prishtinës janë intervistu në cilësinë e të dyshuarve. Ka përfundu intervistimi”, ka deklaruar Zejnullahu.
Lidhur me raportimet e mediave se zyrtarët në fjalë janë arrestuar, Zejnullahu sqaroi se autorizimi ka qenë vetëm për intervistim.
“Sa i përket personave në fjalë, të cilët janë të dyshuar për neve…Ata persona asnjëherë nuk janë arrestu. Janë intervistu si çdo rast tjetër, për shkak se asnjëherë s’janë ndalu ata. Autorizimi ka qenë vetëm për me u intervistu. Asnjëherë s’ka qenë qëllimi i autorizimit për me arrestu dikënd, për sot është fjala. Është një procedurë e rregullt hetimore si për çdo rast tjetër që ndodhë”, ka thënë ai.
Zëdhënësi i Policisë, Baki Kelani, ka konfirmuar aksionin për Reporteri.net, teksa tha se lidhet me keqpërdorim të detyrës zyrtare.
“Policia e Kosovës me njësitë e saja relevante, me autorizim të Prokurorisë kompetente, sot në Prishtinë është duke kryer hetime ndaj disa personave mbi dyshimet për keqpërdorim të detyrës zyrtare. Pas përfundimit dhe kompletimit të zhvillimeve policore, në bashkëpunim dhe koordinim me organet e drejtësisë mund të bëhen publike informacione shtesë”, ka deklaruar Kelani./Reporteri.net
Aksioni në Ministrinë e Infrastrukturës, ka të arrestuar
12 Qershor 2025 | 10:41
Policia është duke kryer një aksion në Ministrinë e Mjedisit, Planifikimit Hapësinor dhe Infrastrukturës, nën dyshimet për keqpërdorim të detyrës zyrtare.
“Betimi për Drejtësi” raporton se deri tani, nga ky aksion janë arrestuar tre zyrtarë të kësaj ministrie.
Aksionin e ka konfirmuar për Reporteri.net, zëdhënësi i Policisë, Baki Kelani.
“Policia e Kosovës me njësitë e saja relevante, me autorizim të Prokurorisë kompetente, sot në Prishtinë është duke kryer hetime ndaj disa personave mbi dyshimet për keqpërdorim të detyrës zyrtare. Pas përfundimit dhe kompletimit të zhvillimeve policore, në bashkëpunim dhe koordinim me organet e drejtësisë mund të bëhen publike informacione shtesë”, ka deklaruar Kelani.
Kryeprokurori i Prokurorisë Themelore të Prishtinës, Zejnullah Gashi, ka deklaruar për Reporteri.net se aksioni nuk lidhet me ta.
Reporteri.net ka pyetur edhe Prokurorinë Speciale, nëse aksioni është me autorizim të tyre, por deri tash s’ka marrë përgjigje. As nga Ministria s’ka ende ndonjë reagim.
Aksion në Ministrinë e Infrastukturës për keqpërdorim të detyrës zyrtare, Policia jep detaje
12 Qershor 2025 | 10:27
Policia e Kosovës është duke kryer një aksion në Ministrinë e Mjedisit, Planifikimit Hapësinor dhe Infrastrukturës.
Zëdhënësi i Policisë, Baki Kelani, ka konfirmuar aksionin për Reporteri.net, teksa tha se lidhet me keqpërdorim të detyrës zyrtare.
“Policia e Kosovës me njësitë e saja relevante, me autorizim të Prokurorisë kompetente, sot në Prishtinë është duke kryer hetime ndaj disa personave mbi dyshimet për keqpërdorim të detyrës zyrtare. Pas përfundimit dhe kompletimit të zhvillimeve policore, në bashkëpunim dhe koordinim me organet e drejtësisë mund të bëhen publike informacione shtesë”, ka deklaruar Kelani.
Kryeprokurori i Prokurorisë Themelore të Prishtinës, Zejnullah Gashi, ka deklaruar për Reporteri.net se aksioni nuk lidhet me ta.
Reporteri.net ka pyetur edhe Prokurorinë Speciale, nëse aksioni është me autorizim të tyre, por deri tash s’ka marrë përgjigje. As nga Ministria s’ka ende ndonjë reagim./Reporteri.net
