Mbrëmjen e sotme një person ka humbur jetën si pasojë e një aksidenti që ka ndodhur në zonën e “Unazës së Re”.
Ngjarja ndodhi rreth orës 21:30, në vendin e quajtur “Kryqëzimi i Rolandit”.
Një kalimtar rreth 55-vjeç është përplas për vdekje nga një veturë.
“Rreth orës 21:15, në rrugën “Teodor Keko”, automjeti me drejtues E. S., 32 vjeç ka goditur një këmbësor rreth 55 vjeç.
Si pasojë e përplasjes, këmbësori ende i pa identifikuar ka ndërruar jetë.
Drejtuesi i automjetit shtetasi E. S është shoqëruar në Komisariat për veprime të metejshme hetimore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes dhe shkakut të aksidentit, si dhe identifilimin e 55 vjeçarit që ndërroi jetë”, njofton policia.
