Përfaqësuesi i Dhomave të Tregtisë, Kushtrim Ahmeti, ka mohuar ashpër se veprimi i sotëm i bizneseve për të protestuar ka qenë barrikadë, siç u cilësua nga disa përfaqësues të institucioneve. Në një deklaratë në emisionin “Five”,
“Fillimisht, të quash ‘barrikadë’ është krejt diçka tjetër nga ajo çka kemi bërë sot. Dy shirita të rrugës kanë qenë të hapur dhe lëvizja është rregulluar e kontrolluar nga Policia e Kosovës. Për çfarë barrikade po flasim këtu?” Ai theksoi se gjithçka është bërë në koordinim të plotë me Policinë, e cila ka mbajtur nën kontroll sistemin e transportit dhe ka ndihmuar në garantimin e qarkullimit pa asnjë problem.
Ahmeti ka deklaruar gjithashtu se protestimi i bizneseve është pasojë e mungesës së vullnetit institucional për të ofruar zgjidhje. Sipas tij, përfaqësuesit e bizneseve kanë zhvilluar diskutime të shumta me përfaqësues të Qeverisë, por nuk ka pasur asnjë hap konkret.
“Ne jemi detyruar si biznese dhe përfaqësues të tyre të marrim këtë hap, pas një numri të madh diskutimesh, edhe jozyrtare, sepse zyrtarisht nuk është bërë asgjë. U kemi dhënë të gjitha analizat, e megjithatë takimet po mbahen, por nuk po bëhet asgjë.”
Ahmeti thekson se kjo papërgjegjësi institucionale po e vështirëson skajshmërisht funksionimin e sektorit privat.
