Presidentja e vendit, Vjosa Osmani ka njoftuar se Zëvendëssekretari amerikan i Shtetit, Christopher Landau, e ka informuar zyrtarisht se Kompakt i MCC për Kosovën do të vazhdojë, transmeton KosovaPost.
Për këtë ka ardhur edhe reagimi nga ana e kryeministrit në detyrë të Kosovës, Albin Kurti.
Sipas Kurtit vazhdimi i Programit Kompakt të Korporatës së Sfidave të Mijëvjeçarit (MCC) për Kosovën nga administrata e Presidentit Donald Trump është jashtëzakonisht i rëndësishëm për vendin tonë.
“Edhe më shumë të lumtur dhe krenarë na bën fakti që Republika jonë është një ndër shtetet e pakta për të cilat financimi i programeve të MCC-së do të vazhdojë”, shkroii Kurti.
Ai ka publikuar edhe disa fotografi nga ceremonia e nënshkrimit të marrëveshjes për hyrjen në fuqi të Programit Kompakt, e cila u mbajt më 30 prill 2024.
The post Administrata Trump ia konfirmoi Osmanit vazhdimin e kompaktit të MCC për Kosovën, Kurti: Thellësisht mirënjohës appeared first on Kosovapost.net.
