Kryetari i Lidhjes Demokratike të Kosovës Lumir Abdixhiku tha se nuk e ka problem të bashkëpunojë me asnjë shqiptar që e do Republikën e Kosovës.
Sipas Abdixhikut, është mision i LDK-së që këtë mendësi të këtij regjimi (VV-së) ta thej, ta ndërpres dhe ta nisë një fije shprese për Republikën e Kosovës në stilin që e ka vet.
“Na jepni kohë. Nuk kam lajme sot për juve. Natyrisht se nuk përjashtoj asnjë bashkëpunim me askënd që beson në vlerat e LDK-së, ose mund të kemi një rrugë të përbashkët. Duhet analizuar të gjitha çështjet. Fillimisht unë duhet të bëj konsultime brenda partisë. Unë personalisht nuk e kam problem të bashkëpunoj me asnjë shqiptar që e do Republikën e Kosovës, dhe këtë mendësi dua ta ballafaqoj. Me dëshirë do të doja të kisha shumicën veç vet, por nuk e kam”, deklaroi Abdixhiku në Rubikon të Klan Kosovës.
