Igor Tudor prezantoi ndeshjen Genoa-Juventus, e vlefshme për javën e dytë të Serie A, që do të luhet nesër prej orës 18:30. Ja konferenca për shtyp e trajnerit bardhezi.
Çfarë Juve pret të shohësj nesër?
Ishte një javë e bukur. Skuadra është stërvitur mirë, me shumë energji. Nesër duhet të bëjmë një ndeshje të madhe kundër një kundërshtari që nuk të fal asgjë dhe është shumë i organizuar. Duhet të bëjmë mirë për të marrë pikët.
Një koment për Champions League?
Shorti mund të shkonte më keq, ose më mirë. Janë të gjitha ndeshje të vështira, por është bukur sepse për lojtarët, kur dëgjojnë himnin e Champions, gjithçka sikur ndryshon.
Kush mund të luajë në vend të Cambiaso?
Nuk e them kurrë kush do të luajë. Të gjithë mund të luajnë.
Çfarë sigurie dha fitorja kundër Parmës?
Ndiej emocione të bukura, sepse skuadra ishte e përqendruar. Parma ishte e rrezikshme sidomos në goditjet e dënimit. Ne u përgatitëm dy muaj për ndeshjen e parë dhe Parma ishte shumë e organizuar. Ishte një ndeshje pozitive.
A pret ende diçka nga merkatoja?
E kam thënë vetëm një herë që mungonin tri afrime, në mars. Kam folur për merkaton dhe s’ka ndryshuar asgjë. Ishte një merkato e komplikuar, Comolli po përpiqet të bëjë më të mirën. Jam i kënaqur me skuadrën, i shoh djemtë mirë dhe të motivuar. Vazhdimësia është një vlerë e shtuar. Kemi rikthimin e Bremer, tani po kthehet edhe Cabal. Pastaj të shohim në këto dy ditë që kanë mbetur.
A po i ndihmon Bremer edhe shokët e repartit?
Ata japin maksimumin, pavarësisht nga Bremer. Ai po e tregon vlerën e tij dhe do të rritet akoma. Tani është në një pikë të mirë.
A je i kënaqur me Nico Gonzalez?
Është një lojtar që më pëlqen, në fakt gjithmonë më ka pëlqyer. Nuk ka pasur kurrë refuzim nga ana ime. Është titullar i kombëtares argjentinase. Vendosa ta provoj në krah, por pati disa problematika. Mund të luajë si në krah, ashtu edhe në sulm. Ka karakteristika të ndryshme, jam i lumtur që e kam në skuadër.
Kush mund të luajë si mbrojtës i majtë krahas Kelly?
Mund të ndryshojmë modul. Në të majtë mund të luajnë Gatti dhe Cabal.
Po Koopmeiners?
Koopmeiners është titullar dhe do të jetë titullar. Kam folur shumë dhe nuk ka nevojë të shtojmë gjë tjetër. Ai është në rrugën e duhur.
A është skuadra gati për ngarkesën e madhe të ndeshjeve?
Do ta shohim. Mendoj se po, sepse kanë luajtur në Champions edhe sezonin e kaluar.
A mund të luajnë David dhe Vlahovic bashkë?
Po, mund të luajnë në skemën 3-5-2.
David, a mund ta bëjë trekuartistin?
Vështirë të luajë pas sulmuesve.
Çfarë mund të japë Kalulu në mesfushë?
Lëvizjet e tij ishin perfekte. Dha soliditet mbrojtës ndaj Valerit, që ishte një nga armët e pakta sulmuese të Parmës. Është gjithmonë i përqendruar dhe në formë të mirë fizike. Ndonjëherë nënvlerësohen disa gjëra.
The post A mund të luajnë David dhe Vlahovic bashkë? Trajneri i Juventusit jep përgjigjen befasuese appeared first on Telesport.
