Një ngjarje e rëndë ka tronditur qytetin e Siegenit në Gjermani.
Një 22-vjeçare u gjet e pajetë të premten në mbrëmje në një apartament në rrugën Weidenauer Straße.
Sipas të dhënave të deritanishme të hetimit, 22-vjeçarja nga Siegeni kishte pasur një konflikt me ish-partnerin e saj 28-vjeçar gjatë orëve të mëngjesit, shkruan Bild, përcjell .
Vetë 28-vjeçari njoftoi policinë rreth orës 17:45 të së premtes.
Kur në banesë mbërritën ekipet e emergjencës dhe mjeku i urgjencës, për gruan nuk mund të bëhej më asgjë.
Ajo kishte pësuar dëmtime në pjesën e kokës. Shkaqet dhe rrethanat e sakta të ngjarjes janë ende duke u hetuar.
Ish-partneri i dyshuar ndodhet në paraburgim
Policia e arrestoi përkohësisht 28-vjeçarin, ndërsa për rastin është ngritur një komision i posaçëm hetimor nga Policia e Hagenit.
Të shtunën, i dyshuari u paraqit para një gjyqtareje të Gjykatës së Qarkut në Siegen.
Gjykata lëshoi ndaj tij një urdhër-arresti nën dyshimin për vrasje të shkallës së dytë (Totschlag).
28-vjeçari ndodhet tashmë në paraburgim. Autoritetet gjermane nuk kanë dhënë ende informacione të tjera, pasi hetimet për zbardhjen e plotë të rrethanave të ngjarjes janë në vazhdim.
