“Unë nuk i kam kërkuar kurrë Juventusit të më shesë, – deklaroi Gleison Bremer nga grumbullimi i skuadrës në Australi. – Sidomos në një moment të vështirë, si për klubin, ashtu edhe për mua, nuk do ta bëja kurrë. Do të ishte si të arratisesha. Nëse një ditë largohem nga Juventusi, do të dal nga dera kryesore, me kokën lart”.
Pas Botërorit, ku nuk luajti asnjë minutë me Brazilin, Bremer debutoi këtë sezon në miqësoren ndaj Chelsea. “Jam mirë. Nuk jam ende në formën maksimale, por po rikthehem dhe ndiej se jam në rrugën e duhur”, – tha ai.
Duke kujtuar rikuperimin pas këputjes së ligamentit të kryqëzuar, mbrojtësi pranoi: “Nuk e besoja që viti i parë do të ishte kaq i vështirë. Trupi im tani po reagon siç duhet, më duhen vetëm ndeshje”.
Objektivi është i qartë: “Prioriteti ynë është rikthimi në Champions League, qoftë përmes kampionatit apo ‘Europa League’. Madje do të ishte edhe më intriguese ta arrinim duke fituar trofeun. Nuk dua ta mbyll karrierën vetëm me një Kupë Italie. Dua më shumë, dua që Juventusi të rikthehet aty ku e ka vendin. Vë bast edhe te miku im Douglas Luiz, sepse ka cilësi të jashtëzakonshme dhe do t’i tregojë”.
al”>Telesport.
