Juventusi synon të arkëtojë rreth 80 milionë euro nga shitjet për të financuar fazën e dytë të merkatos, që duhet të sjellë përforcime për skuadrën e Luciano Spallettit: të paktën një sulmues të nivelit të lartë, një portier, një mbrojtës qendre dhe një mesfushor. Administratori i deleguar i klubit, Giovanni Carnevali, pranon: “Kemi ende shumë për të bërë, sidomos për largimet, dhe nuk është e lehtë”.
Në listën e largimeve janë shumë lojtarë. Bremer dhe Cambiaso nuk kanë marrë oferta bindëse, ndërsa dëmtimi i Thuram ka frenuar interesimin e klubeve angleze. Openda është larguar te Lyon në huazim me të drejtë blerjeje për 3.5 milionë euro, ndërsa pritet largimi i Adzic dhe João Mário.
Dy zhgënjimet e sezonit të kaluar, David dhe Zhegrova, janë gjithashtu në merkato. Sulmuesi kanadez pengohet nga paga prej 6 milionë eurosh neto dhe dëshira për të qëndruar. Për Koopmeiners ekziston rreziku i humbjeve financiare, ndërsa interesohen Manchester United dhe Aston Villa.
Nico Gonzalez, Gatti, Di Gregorio, Miretti, Cabal, Rugani dhe Arthur janë gjithashtu mes lojtarëve që mund të largohen. Juventusi kërkon të krijojë fond për përforcimet e reja.
The post David, Zhegrova dhe Koopmeiners; tani Juve duhet të shesë. Ideja është krijimi i një “thesari” appeared first on Telesport.
