Aktori i njohur hollivudian George Clooney dhe bashkëshortja e tij, avokatja për të drejtat e njeriut Amal Clooney, janë detyruar të largohen nga shtëpia e tyre në jug të Francës për shkak të zjarreve të mëdha që po përfshijnë rajonin.
Çifti, së bashku me binjakët e tyre nëntëvjeçarë, Alexander dhe Ella, evakuan shtëpinë në Brignoles, në rajonin Provence-Alpes-Côte d’Azur, pasi flakët iu afruan zonës.
Sipas revistës People, George Clooney ia konfirmoi evakuimin kryetarit të komunës së Brignoles, Didier Brémond, përmes një letre, në të cilën shprehu shqetësimin për fatin e shtëpisë së tyre.
Ai gjithashtu premtoi se do të vazhdojë ta mbështesë komunitetin lokal, pavarësisht dëmeve që mund të shkaktojnë zjarret.
Zjarret që kanë përfshirë jugun e Francës janë pjesë e valës së madhe të vatrave aktive që po prekin edhe Greqinë, Italinë dhe Spanjën.
