Andy Diouf po përpiqet të marrë drejtimin e Inter. Francezi, i ripërdorur si anësor nga Chivu në sezonin e tij të parë në Milano, ishte ndër lojtarët kryesorë në dy miqësoret e para të zikaltërve, duke shënuar katër gola.
Tre prej tyre erdhën nga krahu i djathtë, ku lojtari 23-vjeçar duket se ndihet gjithnjë e më rehat: “Kam një ndjesi të mirë, por jemi vetëm në fillim. Janë vetëm ndeshjet e para. Kemi punuar shumë në këtë kamp stërvitor. Le ta marrim hap pas hapi“, tha Diouf.
Në fitoren kundër Karlsruher SC, ai realizoi dy gola në kohën shtesë. Shfaqja e aftësive të ish-lojtarit të Lens ishte e rëndësishme për Inter. “Kur e kontrolloj topin, menjëherë shikoj portën. Shpesh e provoj këtë në stërvitje dhe përpiqem të bëj të njëjtën gjë edhe në ndeshje”, shtoi francezi.
“Kur jam në fushë, përpiqem gjithmonë të luaj sipas pikave të mia të forta në situata një-me-një dhe me shokët e mi të ekipit. Siç thashë, dua vetëm të përpiqem të bëj më të mirën time dhe të ndihmoj ekipin. Ndihem mirë në fushë, por duhet të punoj shumë sepse nuk është pozicioni im natyror“, tha Diouf.
The post “I lumtur me golat dhe fitoren, kam një ndjesi të mirë dhe po punoj shumë për të luajtur në rolin tim të ri” appeared first on Telesport.
