Zvicra po përgatitet në një mënyrë krejt të pazakontë për ndeshjen më të rëndësishme të saj në Botërorin 2026. Sipas raportimeve, kombëtarja helvete po zhvillon në stërvitje skenarë ekstremë, duke luajtur ndeshje provë me 11 kundër 10, 11 kundër 9 dhe madje 11 kundër 8 lojtarësh. Ideja është që skuadra të jetë gati për çdo situatë të mundshme ndaj Argjentinës.
Për më tepër, portieri zviceran raportohet se po i kushton deri në dy orë në ditë vetëm stërvitjes së pritjes së penalltive.
Objektivi është i qartë: të jenë të përgatitur nëse duhet të luajnë me më pak lojtarë, të përballojnë presionin maksimal, ose penalltitë nëse kualifikimi vendoset nga pika e bardhë.
Zvicra nuk dëshiron të lërë asnjë detaj në dorë të fatit. Përballë kampionëve të botës, ajo po përgatitet për një betejë të vërtetë.
The post Zvicra përgatitet për “luftë” ndaj Argjentinës. Stërvitje 11 kundër 8 dhe portieri dy orë vetëm me penallti appeared first on Telesport.
