Ish-kryetari i Mitrovicës, kandidati për deputet i Lëvizjes Vetëvendosje, Agim Bahtiri aktualisht është në fund të listës së kandidatëve të kësaj partie që duket se do të sigurojnë ulëse në Kuvendin e Kosovës.
Pas 36,31% të votave të numëruara, Bahtiri ka marrë 4,657 vota, duke u renditur i 49-ti në LVV.
Edhe Artan Abrashi, deputet i LVV-së në disa legjislatura, mund të mos e ketë të lehtë ta sigurojë ulësen e tij në Kuvend edhe një herë tjetër. Aktualisht e sheh veten të 50-in me 4,652 vota.
Fatos Geci, deputeti i legjislaturës së kaluar që u bë i njohur më shumë pasi u uroi burgim të përjetshëm ish-krerëve të Ushtrisë Çlirimtare të Kosovës, e sheh veten jashtë Kuvendit. Ai aktualisht ka marrë 2,895 vota dhe renditet i 85-ti në listën e më të votuarve të LVV-së.
Edhe Enver Dugolli, ish-deputet i LVV-së, duket se do të mbetet jashtë Kuvendit. Ai aktualisht ka 2,978 vota dhe është i 83-ti në listën e më të votuarve.
Bylbyl Sokoli, trajneri i futbollit i cili dy herët e fundit kishte arritur të siguronte një ulëse në Kuvend, këtë herë duket se nuk do të mund t’ia dalë, sipas trendit aktual. Aktualisht ai ka 3,853 vota dhe renditet i 64-i.
Edhe Egzon Azemi, i cili ishte pjesë e legjislaturës së fundit të Kuvendit, këtë herë me gjasë do të mbetet jashtë, pasi aktualisht ka vetëm 3,522 vota (në vendin e 72-të).
