Dua Lipa dhe Callum Turner raportohet se po planifikojnë të martohen javën e ardhshme.
Këngëtarja shqiptare dhe Turner njoftuan fejesën e tyre vitin e kaluar dhe, ndërsa fillimisht planifikuan një martesë intime, tani thuhet se do të kenë një festë luksoze tre-ditore në Itali.
“Plani fillestar ishte për një martesë intime, por tani do të jetë një ngjarje masive dhe luksoze gjatë tre ditëve. Ata kanë marrë me qira disa ambiente të mëdha për ngjarjen ekstravagante, megjithëse detajet e sakta po mbahen sekret për shkak të shqetësimeve të sigurisë, pasi fansat mezi presin t’i shohin”, një burim i tha gazetës The Sun.
Sir Elton John – me të cilin Dua Lipa bashkëpunoi në këngën e vitit 2021 Cold Heart – është përmendur se do të performojë.
Lipa dhe Turner njoftuan zyrtarisht fejesën e tyre vitin e kaluar, kur ndanë lajmin me British Vogue pas spekulimeve rreth statusit të marrëdhënies së tyre.
“E dua dashurinë. Është një gjë e bukur. Është një gjë vërtet frymëzuese. E gjen veten duke rënë kaq intensivisht gjatë gjithë kohës në mënyrën më të mirë të mundshme. Kjo cenueshmëri është kaq e frikshme, por ndihem shumë me fat që e ndjej atë”, pati thënë më herët Lipa.
