Manchester City është në bisedime me Josko Gvardiol për një kontratë të re afatgjatë pavarësisht se mbrojtësi është ende duke u rikuperuar nga një frakturë në tibia.
Pasi e lidhi Phil Foden me një kontratë të re këtë javë, City shpreson të bëjë të njëjtën gjë me qendërmbrojtësin kroat. Gvardiol ka qenë jashtë fushave që nga janari dhe iu nënshtrua një ndërhyrjeje kirurgjikale.
Gvardiol kishte qenë instrumental në ekipin e City deri në momentin që pësoi atë dëmtim shkatërrues kundër Chelsea. Te klubi e vlerësojnë shumë lojtarin, ndaj dhe duan ta zgjasin kontratën e tij përtej skadimit aktual të vitit 2028 dhe të përmirësojnë pagën e tij.
Që kur u bashkua nga Leipzig në vitin 2023, 24-vjeçari ka bërë 120 paraqitje në të gjitha garat, duke shënuar 13 gola dhe duke asistuar 10 të tjerë. Një lojtar që ka lënë gjurmë me shkathtësinë për të luajtur si qendërmbrojtës ashtu edhe në të majtë.
The post Gvardiol i dëmtuar, por te Manchester City nisin bisedimet për t’i ofruar një kontratë të re appeared first on Telesport.
