Khvicha Kvaratskhelia, sulmues i PSG, foli për “Sky Sport” para gjysmëfinales së Champions League kundër Bayern Munich: “Bavarezët kanë lojtarë fantastikë, por jemi në gjysmëfinale. Çdo ndeshje ka shumë rëndësi për ne, duam të japim maksimumin. Ata kanë qenë shumë të fortë këtë sezon, por për ne gjithçka është e mundur, sepse kemi besim te njëri-tjetri”.
Për golin më të bukur të sezonit: “Ai kundër Nantes, i dyti, mendoj se ka qenë më i bukuri. Sidoqoftë ka ende shumë ndeshje dhe shpresoj të shënoj gola më të bukur”.
Për rritjen e tij nën drejtimin e Luis Enrique, pas largimit nga Napoli: “Mënyra jonë e lojës është e vështirë për t’u kuptuar nga të tjerët. Qëllimi është të sulmojmë dhe të mbrohemi. Ky stil loje na jep shumë liri, për aspektin ofensiv është thelbësor. Jam shumë i lumtur me trajnerin dhe krenar për zgjedhjen që kam bërë duke ardhur këtu”.
The post Kvaratskhelia: Krenar që zgjodha PSG-në, jam rritur shumë me Luis Enrique appeared first on Telesport.
