Një person është arrestuar dje në orët e hershme të mëngjesit në Prishtinë, pasi dyshohet se ka sulmuar fizikisht një tjetër burrë pas një mosmarrëveshjeje.
Sipas raportit të Policisë së Kosovës, rasti ka ndodhur rreth orës 02:30 në sheshin “Gjorgj Bush”. I dyshuari, mashkull kosovar, është arrestuar nga njësitet policore pas incidentit.
Viktima, gjithashtu mashkull kosovar, ka pësuar lëndime trupore dhe është dërguar për trajtim mjekësor.
Pas intervistimit, me vendim të prokurorit, i dyshuari është dërguar në mbajtje.
“Sheshi Gjorgj Bush, Prishtinë 25.04.2026-02:30. Është arrestuar i dyshuari mashkull kosovar (m/k) pasi që i njëjti pas një mosmarrëveshje ka sulmuar fizikisht viktimën mashkull kosovar. Viktima është dërguar për tretman, ndërsa i dyshuari pas intervistimit me vendim të prokurorit është dërguar në mbajtje”.
