Kryetari i Përparim Rama ka reaguar ndaj ndërhyrjeve të pakontrolluara në rrugët e kryeqytetit nga ana e Ujësjellësit, duke kërkuar respektim të procedurave dhe koordinim me institucionet komunale.
Përmes një njoftimi publik, Rama ka bërë të ditur se Ujësjellësi është i obliguar që të informojë Komunën për çdo intervenim në rrugë, përfshirë prerjen e asfaltit dhe trotuareve. Ai ka theksuar se Komuna i është drejtuar kësaj ndërmarrjeje me një shkresë zyrtare, ku kërkohet që punimet të mos realizohen gjatë orareve të pikut të trafikut, përveç rasteve emergjente.
Sipas tij, mungesa e koordinimit po shkakton probleme serioze në qarkullim dhe rrezik për qytetarët.
“Kemi kërkuar gjithashtu që të njoftohet Drejtoria e Investimeve Kapitale, në mënyrë që të ndërhyhet menjëherë për sanimin dhe asfaltimin e sipërfaqeve të dëmtuara”, ka theksuar Rama.
Ai ka sjellë si shembull një rast konkret në rrugën Rruga Ahmet Krasniqi, ku prerja e asfaltit kishte mbetur e pasanuar, duke u kthyer në pengesë për qarkullimin dhe rrezik për sigurinë publike.
Rama ka bërë thirrje për përgjegjësi institucionale dhe bashkëpunim më të mirë, në mënyrë që të shmangen situata të tilla që ndikojnë drejtpërdrejt në jetën e përditshme të qytetarëve.
