E ardhmja e Mohamed Salah vazhdon të jetë një nga temat më të nxehta të merkatos europiane. Sulmuesi egjiptian pritet të largohet nga Liverpool-i në fund të sezonit, ndërsa kontrata e tij hyn në fazën përfundimtare. Sipas mediave prestigjioze gjermane, përfshirë “Bild”, Bayern Munich nuk është në garë për firmën e tij.
Klubi bavarez ka prioritete të tjera për repartin ofensiv dhe nuk po e konsideron Salah si objektiv konkret për sezonin 2025-2026. Strategjia e drejtuesve gjermanë është e fokusuar te profile më të rinj dhe investime afatgjata, duke ulur kështu mundësinë për një transferim të bujshëm si ai i egjiptianit.
Ndërkohë, interesi për Salah mbetet i lartë nga klube të tjera, veçanërisht Arabia Saudite dhe disa gjigantë europianë. E ardhmja e tij pritet të sqarohet në muajt e ardhshëm, por një gjë duket e sigurt: Bayerni nuk do të jetë destinacioni i radhës.
The post Salah te Bayern Munich falas? Media prestigjioze gjermane zbulon të vërtetën appeared first on Telesport.
