Hansi Flick analizoi situatën e Barcelonës para ndeshjes së sotme ndaj Atlético Madridit (ora 21:00). Në përgjigjen e 12 pyetjeve bëri një lavdërim të madh për Lamine Yamal. I pyetur për zemërimin e yllit blaugrana ndaj José Ramón de la Fuente, të zbuluar nga “Mundo Deportivo”, Flick theksoi: “Duhet të shohim se Lamine është vetëm 18 vjeç, për mua është një lojtar i jashtëzakonshëm.
Kur shikon ndeshjen përsëri, ajo që po bën është fantastike. Në një kundër një…, në gjithçka është fantastik, por ka vetëm 18 vite mbi supe. Sigurisht që ndonjëherë zemërohet kur e zëvendësoj, ose kur ndodh diçka, për shembull kur disa lojtarë driblojnë dhe gjuajnë. Ndonjëherë ndodh sepse ai nuk shënon gol, kjo është emocionale dhe gjë e mirë, gjithmonë do ta mbështesim”.
Trajneri gjerman zbuloi gjithashtu çfarë i ka thënë vetë Yamal: “Është një lojtar fantastik, në rrugën e duhur dhe ne do ta ndihmojmë të zhvillohet. Të gjithë e shikojnë sepse është një lojtar i madh. Në atë moshë bën gabime dhe i thashë të mos shqetësohet, gjithmonë do ta mbroj dhe kjo është e mirë për ne. Në fushë është i madh dhe me siguri do të bëhet më i miri në botë në të ardhmen”.
Për Joao Cancelo dhe mundësinë e qëndrimit sezonin e ardhshëm, Flick tha: “Nuk dua të flas për të ardhmen, dua të flas për tani. Po bën një punë të madhe; kur e sheh të luajë me kombëtaren dhe pas një udhëtimi të gjatë, të shtunën dha gjithçka, ishte i lodhur. Është një profesionist fantastik, shumë teknik dhe na ndihmon shumë tani, e vlerësoj shumë”.
The post Flick befason me mbrojtjen që i bën të rebeluarit Yamal, tregon çfarë i tha pas zemërimit të tij appeared first on Telesport.
