Nga nata magjike e 31 majit 2025, në realitetin e një sezoni më kompleks. Désiré Doué shijoi një ngritje meteorike, që kulmoi me një dygolësh në fitoren finale të Champions League ndaj Interit, por kërcimi në nivel solli me vete pritshmëri të reja dhe vështirësi të pashmangshme.
Pas një sezoni me 61 ndeshje, fillimi i sezonit 2025/2026 nuk ishte i lehtë: performanca të paqëndrueshme, lëndime dhe kritika. Sulmuesi i PSG-së, megjithatë, u përball me situatën me qartësi: “Kritikat janë pjesë e futbollit, veçanërisht kur luan për PSG-në“.
“Në Francë, nëse nuk performon në mënyrën tënde më të mirë, ato vijnë menjëherë. Vetëanaliza është themelore. Disa kritika të ndihmojnë të përmirësohesh, por duhet të dish si t’i përdorësh ato“, shtoi Doue.
Dy dëmtime e kanë ngadalësuar progresin e tij, por tani Doué ndihet gati: “Ka qenë një sezon me ulje-ngritje; nuk kam pasur kurrë një dëmtim si ky më parë. Por tani jam 100% në formë.”
Fokusi i tij është Liga e Kampionëve dhe skuadra kombëtare: “Ne e dimë se çfarë jemi të aftë të bëjmë. Mund të fitojmë përsëri dhe të bëjmë histori. Shpresoj të jem edhe në Botëror, do të ishte një ëndërr. Ne duam një yll të tretë.”
The post PSG, Doué: Kritikat më ndihmojnë të përmirësohem, mund ta fitojmë përsëri Champions League appeared first on Telesport.
