Kampionati ka rifilluar, por dhimbja për moskualifikimin e Italisë në Botërorin e ardhshëm është ende e freskët. Portieri i Bosnjës, Nikola Vasilj, pas barazimit 1-1 të St.Paulit ndaj Union Berlin, foli për serinë e penalltive në Zenica dhe grindjen me Gigio Donnarumma:
“Donnarumma u përpoq të më shkatërronte fletën ku kisha shënuar informacionin mbi penalltitë e italianëve, por fatmirësisht stafi kishte një kopje. Nuk e dija që në stol kishin një fletë tjetër, por asgjë nuk iu la rastësisë”.
Ai sulmoi drejtpërdrejt portierin e Manchester City: “Nuk mund ta besoja çfarë po më ndodhte, është hera e parë që më ndodh diçka e tillë. Me Donnarumma filluam të diskutojmë, pastaj shkova tek arbitri për të kërkuar një karton për të. Sjellja e tij më dukej krejt antisportive. Në fund…, nuk dua të them më shumë…, fituam dhe dikush thotë se është karma. Ndoshta po, ka diçka të tillë në këtë histori”.
The post Vasilj për penalltitë e Bosnjë-Itali: Donnarumma u tregua krejt antisportiv, nuk mund ta besoja appeared first on Telesport.
