“Unë në vendin e Gattuso? Jam i kënaqur që më përmendin emrin për një post të tillë, por, kam edhe një vit të mbetur në kontratën time me Al-Hilal. Nuk kam aspak nostalgji”.
Simone Inzaghi, i cili mbush 50 vjeç sot, është i lumtur me vendimin e tij për t’u larguar nga Italia për një botë krejtësisht tjetër, madje edhe në futboll. “Në Arabinë Saudite, gjeta një situatë fantastike në çdo aspekt: stilin e jetës, infrastrukturën sportive dhe jo-sportive, qetësinë shpirtërore që vjen edhe me një punë që mund të jetë stresuese si e imja“, tha ai.
Dhe kjo shpjegon arsyet e largimit të tij: “Të fitosh shumë është mirë natyrisht (27 milionë euro neto në vit), por konsiderata të tjera më çuan këtu. Për fat të mirë nuk kisha nevojë për para“.
“Vitet tek Inter ishin shumë të kënaqshme nga pikëpamja profesionale, por edhe shumë stresuese. Ndjeva nevojën për të rijetuar futbollin e nivelit të lartë, por larg një barre presioni që ishte bërë shumë e madhe. Në Arabinë Saudite, gjërat janë shumë ndryshe“, tha Inzaghi.
Në fund, ai tha: “Më trishton shumë që Italia nuk do të jetë në Kupën e Botës për herë të tretë radhazi. Unë jam 100% italian, vëllai im madje fitoi një Kupë Bote. Jam absolutisht i sigurt se futbolli italian do të rimëkëmbet së shpejti.”
The post Inzaghi: Nuk kam aspak nostalgji për Italinë, në Arabi është një situatë fantastike appeared first on Telesport.
