Pas Gabriele Gravina që dha dorëheqjen si kreu i Federatës Italiane pas dështimit për të mos u kualifikuar për në Botëror, dorëheqja e radhës vjen zyrtarisht edhe nga Gigi Buffon, i cili mbante postin si shef i delegacionit të ekipit kombëtar. Ish-portieri ka konfirmuar dorëheqjen përmes një postimi të gjatë në rrjetet e tij sociale.
“Dorëheqja menjëherë pas përfundimit të ndeshjes kundër Bosnjës ishte një akt urgjent, një akt që erdhi nga thellësia e shpirtit tim. Po aq spontan sa lotët që më dhembin në zemër dhe që e di se i ndaj me të gjithë ju. Më kërkuan të shtyja derisa të gjithë të kishin kohë të reflektonin. Tani që Presidenti Gravina ka zgjedhur të tërhiqet, ndihem i lirë të bëj atë që mendoj se është akti i përgjegjshëm.
Pavarësisht besimit tim të sinqertë se kam ndërtuar kaq shumë në aspektin e frymës së ekipit me Rino Gattuson dhe të gjithë bashkëpunëtorët e mi në kohën shumë të shkurtër në dispozicion të ekipit kombëtar, objektivi kryesor ishte ta rikthenim Italinë në Kupën e Botës. Dhe nuk ia dolëm.
Unë mbaj gjithçka në zemër, me mirënjohje për privilegjin dhe mësimet e nxjerra, edhe nëse është një epilog i dhimbshëm. Forza Azzurri gjithmonë”, shkruan Buffon.
The post Buffon jep dorëheqjen nga posti që mbante tek Italia, ish-portieri e mbyll me një mesazh tejet domethënës appeared first on Telesport.
