Dëshira kryesore e Barcelonës për të forcuar qendrën e mbrojtjes për sezonin e ri është Alessandro Bastoni. Italiani është qendërmbrojtësi që i përshtatet më së miri profilit që kërkon trajneri Hansi Flick.
Megjithatë, largimi i tij nga Inter nuk do të jetë aspak i lehtë, duke ditur rëndësinë dhe peshën që ai ka te zikaltrit. Në rast se Barcelona nuk ia del të tranmsferojë italianin, atëherë do të ndjekë planin B, sipas asaj që bën të ditur “Mundo Deportivo”.
Plani B përfshin emrat e 5 qendërmbrojtësve të tjerë, të cilët mund të thuhet pa frikë se janë në kulmin e karrierës së tyre: Josko Gvardiol, Micky van de Ven, Nico Schlotterbeck, Murillo dhe Gonçalo Inácio.
Pavarësisht se cilin prej tyre do të arrijë të transferojë Barcelona, Hansi Flick do të ketë në dispozicion për sezonin e ri një qendërmbrojtës elitar.
The post Në rast se nuk vjen Bastoni, Barcelona ka planin B. Zbulohet lista me 5 super qendërmbrojtës të tjerë appeared first on Telesport.
