Gjatë një interviste për “Gazzetta dello Sport”, Fabio Capello komentoi ndeshjen e djeshme mes Italisë dhe Irlandës së Veriut 2-0, duke u ndalur tek individët. E nisi nga Francesco Pio Esposito: “Lojtar i vërtetë, di të mbrojë topin, të bëjë lojë mbështetëse, të kërcejë në ajër.
Kean dhe Retegui janë dy sulmues të ngjashëm, ndërsa Pio mund të plotësojë si njërin, ashtu edhe tjetrin. Dhe në fakt luajtëm më mirë me të në fushë. Edhe pse golin e dytë e shënoi Kean me një veprim shumë të bukur; kontroll dhe diagonale perfekte”.
Sa i përket aktivizimit si titullar në finalen e “play off”-it të Botërorit kundër Bosnjës, Capello ia la vendimin trajnerit: “Natyrisht, unë vetëm vërej që Esposito është një plotësues ideal për Retegui dhe Kean”.
Në portë, Donnarumma mbetet vlerë e madhe: “Gigio është një nga më të mirët në botë, nëse jo portiere më i mirë. Në fakt, kur ia dha topin kundërshtarit në pjesën e dytë, më trembi. Imagjinoni një Kane ose Haaland përballë në atë situatë”.
The post Capello “thumbon” Donnarumma: Imagjinoni Kane ose Haaland përballë tij në atë situatë… appeared first on Telesport.
