Gennaro Gattuso merr frymën lirshëm pas fitores 2-0 të Italisë ndaj Irlandës së Veriut, në një ndeshje që nuk rezultoi aspak e lehtë për “azzurri”. Vetë trajneri e konfirmoi këtë, pas fishkëllimës së fundit: “Nuk ishte aspak e lehtë“.
“Irlanda na befasoi, luajtën me topin dhe nuk luajtën aq vertikalisht sa prisnim. Mund të kishim bërë më mirë në pjesën e parë, nuk u zhvilluam siç e kishim planifikuar, pasi Locatelli po shtynte shumë fort. Megjithatë, luajtëm mire dhe fitorja nuk ishte e garantuar“, tha Gattuso.
Bosnja-Hercegovina do të jetë rivalja e ardhshme e Italisë të martën e ardhshme për një vend në botëror. “Ata janë një ekip me shumë lojtarë me përvojë. Do të luajmë në një stadium të nxehtë, por do të kishte qenë e njëjta gjë në Uells”, shtoi Gattuso.
“Bosnja di si t’i mbyllë gjërat mirë dhe do të jetë një tjetër ndeshje shumë e vështirë, si kjo e djeshmja. Duhet të rifitojmë energjinë tone, nuk kemi pse të shpikim asgjë të re, por të rikuperohemi sa më shpejt të jetë e mundur”, tha trajneri italian.
Më tej, gattuso shtoi: “Kemi bërë një hap të vogël, tani vetëm duhet të ngjitemi në mal, e dimë këtë, po luajmë shumë. Të gjithë e ndjenin vështirësinë sot, na duhet vetëm ndeshja e fundit për të përfunduar punën”.
“Ia bëmë jetën pak të vështirë vetes, por qëndruam të përqendruar. Dje nuk ishte aspak e lehtë dhe do të jetë e njëjta gjë të martën. Kishim nevojë për një ndeshje si kjo dhe falënderojmë tifozët që nuk e fishkëllyen rezultatin në pjesën e parë pavarësisht barazimit“, tha Gattuso.
The post Gattuso: Nuk ishte një fitore e lehtë, tani edhe një finale e fundit për të shkuar në Botëror appeared first on Telesport.
