Në Gjykatën Themelore në Prishtinë po zhvillohet seanca gjyqësore ndaj të akuzuarve për vrasjen e Liridona Ademajt.
Në seancën e sotme janë publikuar pamje të rënda të Liridona Ademajt pas vrasjes.
Kryetarja e trupit gjykues, Fatime Dermaku ka ballafaquar me prova të akuzuarin Naim Murseli duke faktuar se viktima Liridona Ademaj në natën kritike kishte pasur stoli të arit (dy bylyzykë dhe një unazë).
Naim Murseli paraprakisht tha se Liridona nuk ka pasur me vete gjëra me vlerë.
Gjatë shfaqjes së pamjeve, i dyshuari kryesor për vrasjen e saj, Naim Murseli, ka thënë se nuk mund t’i shohë ato.
Familja e Liridona Ademajt nuk ka qenë e pranishme në sallë.
