Pas fitores 3-2 ndaj Atlético Madridit, Álvaro Arbeloa lavdëroi Vinícius: “Një tjetër paraqitje brilante e tij, plot talent, guxim dhe dëshirë. Gabon dhe provon sërish. Jemi me fat që e kemi. Nuk e di nëse ky është momenti më i mirë i karrierës së tij, por është shumë pranë”. Për kartonin e kuq të Valverde: “Treguam karakter dhe forcë mendore. Duhej të vuanim me një lojtar më pak. Nuk jam dakord, por e vlerësoj që arbitri erdhi ta shpjegonte.
Na tha se ishte ndërhyrje me forcë të tepruar, por unë nuk e shoh kështu. Kartoni i kuq e bëri gjithçka më të vështirë. Çdo fitore është kthesë, tani vjen beteja për titullin”. Për formën e skuadrës: “Po i njoh gjithnjë e më mirë lojtarët. Tani e di ku mund të marr më të mirën prej tyre, jemi në zhvillim”. Për Mbappé: “Pas gati një muaji, është normale të përmirësohet. Ishte kërcënim konstant sa luajti, do rikthehet edhe më mirë pas kombëtares”.
Për rivalët si Mourinho, Guardiola dhe Simeone: “Me lojtarët më të mirë është më e lehtë. Po mësojmë të vuajmë dhe të jemi skuadër e madhe”. Për Carvajal para Alexander-Arnold: “Zgjedh gjithmonë më të mirët. Jam i kënaqur me të dy”. Për Bellingham: “Është mjaft i mirë në shumë role, duhet të zgjedhim vendin e duhur për të”. Për Brahim Díaz: “Po e kupton rolin si ‘9 fals’. Duhet të rrezikojë dhe të krijojë”.
The post Arbeloa: Nuk e di nëse ky është momenti më i mirë i karrierës së Vinit, por e shoh shumë pranë appeared first on Telesport.
