Milan ka fituar 3-2 ndaj Torino në sfidën e luajtur në “San Siro”, e vlefshme për javën e 30-të në Serie A. Sfida u zhbllokua në minutën e 36-të, ku Strahinja Pavlovic shënoi një supergol, me një goditje fantastike me të majtën nga jashtë zonës, ku topi pasi u përplas në traversën e brendshme, përfundoi në rrjetë.
Në minutën e 38-të, Torino rrezikon me Duvan Zapata, por Mike Maignan tregohet i vëmendshëm. Në fund të pjesës së parë, Torino barazon shifrat me golin e shënuar nga Giovanni Simeone, i cili dërgoi në rrjetën tpin e goditur nga Vlasic që përfundoi në shtyllë. Pjesa e parë mbyllet 1-1.
Ndryshe nga e para, pjesa e dytë ishte më e bukur dhe dinamike. Në minutën e 53-të ishte Adrien Rabiot që gjeti golin e avantazhit 2-1 për kuqezinjtë. Pas një aksioni perfekt dhe kombinimit të përkryer mes Modric-Pulisic-Rabiot, francezi e kishte të lehtë të shtynte topin në rrjetë.
Dy minuta më pas ishte radha e Youssouf Fofana për të gjetur golin e tretë pas asistit të Zachary Athekame, i futur në fillim të pjesës së dytë në vend të Fikayo Tomori.
Në minutën e 68-të, Torino iu afrua golit të dytë me Simeone, por Mike Maignan tregohet i mrekullueshëm. Në minutën e 82-të, Nikola Vlasic ngushton shifrat në 3-2, pasi tregohet i saktë nga penalltia, pas një faulli të Pavlovic brenda në zonë ndaj Simeone. Rezultati final, 3-2.
Pas kësaj fitoreje, Milan rimerr vendin e dytë me 63 pikë, një pikë më shumë se Napoli i vendit të tretë dhe pesë pikë më pak se Inter që kryeson renditjen, që luan nesër në transfertë ndaj Fiorentinës.
The post Milan rrezikon në fund por rikthehet te fitorja, 5 gola të shënuar në “San Siro” (video) appeared first on Telesport.
