Presidenti i rizgjedhur i Barcelonës, Joan Laporta, deklaroi se legjenda e klubit, Lionel Messi, do të ketë gjithmonë vend te blaugranët. Në një intervistë për TV3, Laporta u shpreh: “Messi do të jetë i lidhur me Barcelonën në mënyrën që ai dëshiron. Ai i ka gjithmonë dyert e hapura për të vazhduar ta bëjë këtë klub edhe më të madh”.
Laporta përmendi edhe disa legjenda të tjera të klubit si Samuel Eto’o, Rafael Márquez, Sergio Busquets dhe Andrés Iniesta, duke theksuar lidhjen e tyre të fortë me Barcelonën.
Ai do ta marrë zyrtarisht detyrën më 1 korrik, ndërsa deri atëherë funksionet do t’i ushtrojë Rafael Yuste. Laporta theksoi marrëdhënien e shkëlqyer mes tyre dhe tha se do të ishte shumë i lumtur nëse Yuste do të ngrinte një trofe të madh me ekipin.
Presidenti katalanas foli edhe për projektin e stadiumit të ri “Camp Nou”, duke theksuar se zhvillimi i tij do të jetë një nga objektivat kryesorë të viteve të ardhshme.
The post “Leo Messi do të jetë i lidhur me Barcelonën në mënyrën që vetë ai dëshiron” appeared first on Telesport.
