Trajneri i Manchester United, Michael Carrick, ka mbetur i kënaqur nga performanca e skuadrës së tij, që mundi 3-1 Aston Villa dhe konsolidon vendin e tretë në renditjen e Premier League.
“Ishte një performancë e mirë në përgjithësi. Bëmë shumë gjëra me të cilat ishim vërtet të kënaqur në ndeshje dhe për ta përfunduar ashtu siç e bëmë. E dinim se ishte një ndeshje e vështirë dhe duke u rikthyer te fitoret, djemtë reaguan shumë mirë”, tha Carrick.
Më tej, trajneri i “djajve të kuq” komentoi: “Isha mjaft i kënaqur me lojën në pjesën e parë, pasi ishte një ndeshje e ekuilibruar. Ndonjëherë duhet të jesh pak i matur. Loja u hap për ne në pjesën e dytë dhe kishim lojtarët për të bërë diferencën.”
Duke folur për kontributin e kapiten Fernandes, ai shtoi: “Ai ka pasur kaq shumë momente të mëdha, për të shënuar ose për të bërë një pasim, dhe ai është gjithmonë aty. Ai gjithmonë e nxjerr veten përpara, qoftë në stërvitje apo në ndeshje”.
The post Carrick: Ndeshje dhe fitore e madhe, ishte e rëndësishme të riktheheshim te suksesi appeared first on Telesport.
