Thibaut Courtois, portieri i Real Madridit, ishte protagonist në fitoren ndaj Manchester City, në ndeshjen e parë të 1/8-ave të Champions League. Ai dha asistin për golin e parë të Federico Valverde dhe bëri një pritje vendimtare, pas një gabimi në dalje të të riut Thiago Pitarch: “Si ekip luajtëm për të fituar. Besuam se mund ta bënim dhe luftuam për këtë. Gjërat sot na shkuan mirë, shënuam gola të bukur. Ndonjëherë edhe fati të buzëqesh”.
Për asistin dhe lojën me këmbë shtoi: “Bashkëlojtarët e dinë që kam goditje shumë të mirë në distancë. Shumë njerëz thonë se nuk luaj mirë me këmbë. E di që nuk jam Marc-André ter Stegen, por kam një goditje të mirë, sidomos në pasimet e gjata. E kemi punuar dhe sot funksionoi”.
Për Valverden: “Në ekip të gjithë e dimë që Fede ka një goditje të jashtëzakonshme. Për mua duhet të gjuajë në portë 10 herë në ndeshje. Goli i tretë ishte një mrekulli”. Në fund shtoi: “Fitore me portën e paprekur është shumë e rëndësishme, por kualifikimi nuk ka mbaruar ende. Duhet ta konfirmojmë javën tjetër”.
The post Courtois: Thonë se nuk luaj mirë me këmbë. E di që nuk jam Ter Stegen, por kam goditje të mirë appeared first on Telesport.
