“Presidenti Trump më siguroi se kombëtarja e Iranit është e mirëpritur në Botëror”. Kështu shkruan në Instagram presidenti i FIFA-s, Gianni Infantino, pas takimit në Shtëpinë e Bardhë me presidentin amerikan Donald Trump, ku diskutoi përgatitjet për Botërorin 2026, që do të zhvillohet nga 14 qershori në SHBA, Meksikë dhe Kanada.
“Botërori do të bashkojë njerëzit”, theksoi Infantino, duke “falënderuar sinqerisht Trump për mbështetjen”, ndërsa përsëriti se futbolli “bashkon botën”. Gjatë takimit u diskutua edhe situata në Iran, ndërsa Infantino kujtoi se kombëtarja iraniane është kualifikuar për turneun.
“Në mbrëmjen e Uashingtonit takova presidentin e SHBA, Donald J. Trump, për të diskutuar ecurinë e përgatitjeve për Kupën e Botës, që nis pas vetëm 93 ditësh, – shkroi Infantino. – Gjatë bisedimeve, presidenti Trump përsëriti se kombëtarja iraniane është padyshim e mirëpritur të marrë pjesë në turneun në SHBA”.
Bombardimet e Iranit nga SHBA dhe Izraeli dhe lufta në Lindjen e Mesme kishin vënë në dyshim pjesëmarrjen e Iranit. “Të gjithë kemi nevojë për një event si Kupa e Botës për t’i bashkuar njerëzit, tani më shumë se kurrë”, – përfundoi Infantino.
The post Infantino në Shtëpinë e Bardhë: Trump më siguroi se Irani është i mirëpritur në Botëror appeared first on Telesport.
