Në prag të ndeshjes së Ligue 1 kundër Monaco, trajneri i PSG, Luis Enrique, e vlerësoi publikisht Warren Zaïre-Emery, i cili ka bërë një rikthim të jashtëzakonshëm në javët e fundit. Mesfushori i ri parizien ka rifituar kohën e lojës dhe qëndrueshmërinë, pjesërisht falë shkathtësisë së tij.
Zaïre-Emery është vendosur shpesh në pozicionin e mbrojtësit të djathtë, një pozicion në të cilin ai i ka impresionuar plotësisht stafin e trajnerëve. “Është folur shumë për të, por ai përfaqëson vërtet atë që do të thotë të jesh një produkt i akademisë rinore të PSG”, tha Enrique.
“Është një privilegj të kesh një lojtar si ai, pasi mund të luajë kudo. Ai ka cilësi individuale, teknike dhe fizike. Është një kënaqësi e vërtetë ta stërvitësh atë. E tëra çfarë i duhet është të vijë në konferencën për shtyp: nëse doni, unë mund ta vendos edhe në vendin tim“, tha spanjolli.
Luis Enrique diskutoi gjithashtu formën e ekipit, duke hedhur poshtë kritikat për një rënie të mundshme të formës fizike: “Jemi në gjendje të shkëlqyer fizike. Niveli ynë pa top është i pabesueshëm. Ka shumë diskutime për aspektin fizik, por për mua, komponenti mendor është edhe më i rëndësishëm.”
“PSG mbetet në një pozicion ideal: i kualifikuar për Ligën e Kampionëve dhe kryeson Ligën. Është e lehtë të kritikosh PSG sepse jemi një klub i shkëlqyer, por pyetini kundërshtarët tanë. Kur ata përballen me cilësitë tona individuale dhe kolektive, është një makth për ta“, tha Luis Enrique.
The post Luis Enrique: Për kundërshtarët është një makth të përballen me PSG, jemi në formë të shkëlqyer appeared first on Telesport.
