Pas rinovimit të Dayot Upamecano dhe Serge Gnabry, Bayern Munich ka dy emra të tjerë për të cilët po punohet për të zgjatur bashkëpunimin mes tyre. I pari është Harry Kane, i dyti Konrad Laimer.
Mesfushori austriak është një lojtar shumë i rëndësishëm për bavarezët, pasi mund të mbulojë më së miri disa role në fushë, pra është një lojtar i gjithanshëm. Kontrata e 28-vjeçarit skadon në vitin 2027, por drejtuesit e klubit bavarez po punojnë për një rinovim të mundshëm të kontratës, duke parë që interesi për Laimer është në rrijet nga klubet e tjera të mëdha.
“Defensa Central” bën me dije se Real Madrid dhe Atletico Madrid po ndjekin me shumë kujdes situatën e Laimer te bavarezët dhe janë të gatshëm të provojnë transferimin e tij gjatë verës së ardhshme. Vlera në treg e austriakut llogaritet te 32-35 milionë euro.
Drejtuesit e “Los Blancos” e shohin 28-vjeçarin si një përforcim ideal në mesin e fushës, një repart që ka shfaqur shumë probleme këtë sezon. Në anën tjetër, Diego Simeone e vlerëson shumë austriakun dhe është gati t’i besojë atij rolin e rëndësishëm në mesfushë.
The post Real Madrid dhe Atletico në garë për lojtarin e gjithanshëm të Bayern-it, bavarezët gati t’i ofrojnë rinovimin appeared first on Telesport.
