Pas një muaji mungesë, Rodrygo u rikthye mbrëmë në fushë kur u fut si zëvendësues në humbjen e Real Madridit 0-1 në “Santiago Bernabeu” ndaj Getafe.
Braziliani u fut në fushë në minutën e 55-të në vend të Thiago Pitarch, por rikthimi i brazilianit ka qenë shumë i shkurtër, pasi është i detyruar të mungojë përrreth 10 muaj, pasi ka këputur ligamentin e kryqëzuar anterior dhe do të jetë jashtë fushave për një kohë të gjatë, duke humbur kështu edhe Kupën e Botës që do të mbahet në verë në SHBA, Kanada dhe Meksikë.
“Pas testeve të kryera sot nga Shërbimet Mjekësore të Real Madridit, lojtari ynë Rodrygo është diagnostikuar me një këputje e ligamentit të kryqëzuar anterior dhe një këputje e meniskut lateral të këmbës së djathtë”, thuhet në njoftimin e shkurtër të klubit madrilen.
Mungesa e Rodrygo-s për një kohë kaq të gjatë do të jetë një problem madhor për Real Madridin, që me siguri do të ndërhyrjë në merkato në verë për krahun e djathtë të sulmit. Po ashtu do të jetë edhe një mungesë e madhe për Brazilin në Botërorin e verës, pasi Rodrygo ishte projektuar titullar në formacionin e Carlo Ancelotti-t.
The post SHOKUESE! Rodrygo humbet Kupën e Botës 2026, brazilianit i ndodh dëmtimi më i keq i mundshëm appeared first on Telesport.
