Mikel Arteta tha se “zemra e tij u ndal” kur Chelsea gati sa nuk shënoi golin e barazimit në minutën e 92-të kundër ekipit të tij Arsenal, në derbin e Londrës luajtur të dielën. Trajneri spanjoll vlerësoi portierin David Raya, për pritjen, që sipas tij “e solli përsëri në jetë”.
Raya realizoi një pritje mahnitëse për të penguar gjuajtjen e Alejandro Garnacho drejt portës. “Zemra ime gati sa nuk u ndal në atë moment, por dora e Davidit ishte aty për ta rikthyer atë në jetë”, deklaroi Mikel Arteta.
“David është një nga liderët tanë pa dyshim, dhe ai është një portier që di si ta ruajë fokusin e tij dhe të vendosë një ndeshje futbolli kur ke nevojë për të. Mund të jesh qetësi gjithë kohën dhe pastaj në një aksion… Duhet të jesh aty dhe kjo është shumë e vështirë për t’u bërë“, tha Arteta.
The post Arteta: Kujtova se Chelsea barazoi dhe më ndali zemra, por pritja e Raya më solli përsëri në jetë appeared first on Telesport.
