Një ditëlindje e paharrueshme për Gerard Martin, mbrojtësin e majtë të Barcelonës, që më 26 shkurt mbushi 24 vjeç. Dhurata më e veçantë erdhi nga idhulli i tij, Paolo Maldini, i cili i dërgoi fanellën e bardhë të Milanit, të veshur në finalen historike të Champions League 2003 në Manchester.
Futbollisti spanjoll, i rritur me admirimin për simbolin kuqezi, është quajtur nga shokët “Gerard Maldini”. Ai falënderoi në Instagram “faleminderit shumë”, duke treguar edhe dedikimin: “Gerardit, gëzuar ditëlindjen dhe fat të mbarë në karrierën tënde! Me dashuri”.
Sot Martin është pjesë e rëndësishme e skuadrës së Hansi Flick, në garë për La Liga, me kontratë deri më 2028 dhe 77 paraqitje. Aftësia për të luajtur si në krah, ashtu edhe në qendër të mbrojtjes ka tërhequr vëmendjen ndërkombëtare.
Edhe Milani po e monitoron për krahun e majtë, pas vështirësive të Pervis Estupiñán (17 milionë €), që ka vetëm 16 ndeshje dhe një karton të kuq. Ndërkohë, Martin vazhdon të rritet në Spanjë, duke shtuar spekulimet për një lidhje të mundshme me kuqezinjtë.
The post Barcelona “shijon Maldinin”, fanella e ish-kapitenit të Milanit si dhuratë për Gerard Martin appeared first on Telesport.
