PSG, kampionët në fuqi të Champions League, djersitën shumë për të shkuar në raundin tjetër. Skuadra pariziene eliminoi Monaco, por gjithçka ishte e hapur deri në vërshëllimën e fundit pas barazimit 2-2 të mërkurën në “Parc de Princes”.
Trajneri Luis Enrique, duke komentuar këtë kualifikim, nuk e fshehu zhgënjimin për performancën e ekipit të tij, veçanërisht me atë që skuadra e tij tretoi në pjesën e pare, kur ata mbetën një gol disavantazh.
“A më pëlqeu ajo që pashë? Jo, nuk më pëlqeu, por ky është futbolli. Ne patëm disa përballje shumë të vështirë gjatë fazës së grupeve, pastaj vazhduam me këto playoff kundër Monaco. Ata janë një ekip i shkëlqyer”, tha Enrique.
“Kjo është gara e Champions League, duhet ta pranosh. Mendoj se në pjesën e parë ishim shumë të pasaktë, por në pjesën e dytë e kishim kontrollin e lojës dhe shënuam të dy golat. Ky ishte rezultati perfekt, por në minutat e fundit e pranuam atë gol dhe ishte e rrezikshme në fund”, deklaroi trajneri spanjoll.
Në fund, Luis Enrique tha: “Jemi të lumtur. E dimë që për të fituar Ligën e Kampionëve duhet konkurrencë dhe ne jemi ekspertë në atë nivel”. PSG do të përballet me Barcelona ose Chelsea në raundin tjetër. Kjo do të përcaktohet të premten kur do të hidhet shorti për fazën tjetër.
The post Luis Enrique: Për të fituar Champions duhet të kalosh shumë vështirësi, Monaco ishte një prej tyre appeared first on Telesport.
