Galatasaray nuk ka ndërmend të ndalet dhe synon gjithnjë e më lart. Këtë e tregon fitorja 5-2 në ndeshjen e parë ndaj Juventusit dhe deklaratat e zv.presidentit Abdullah Kavukcu për “Gazzetta dello Sport”: “Ai rezultat nuk ishte rastësi, duam ta rrisim nivelin. Po ndërtojmë një ekip me top-lojtarë për t’u bërë ndër ekipet më të mira në botë”.
Duke folur për merkaton, ai konfirmoi interesin për Hakan Calhanoglu: “Bëmë një tjetër tentativë në janar, por drejtuesit e Interit thanë se nuk largohej. Hakan është ikonë e kombëtares turke dhe tifoz i Galatasaray. Nuk e di kur, por jam i sigurt se një ditë do ta shohim me fanellën tonë”.
Për Victor Osimhen shtoi: “E blemë për 75 milionë dhe shumë e quajtën çmenduri. Ai i përgënjeshtroi të gjithë, tani vlera e tij është dyfishuar dhe synojmë suksese të mëdha bashkë”.
The post Zv.presidenti i Galatasaray: Calhanoglu do të luajë me ne. Osimhen? Vlen 150 milionë euro appeared first on Telesport.
