Trajneri i Chelsea, Liam Rosenior, ka deklaruar se në ditët kur skuadra eë tij është pushim, lojtarët të marrin sa më shumë rreze dielli. “Blues” shfrytëzojnë këtë mesjavë pa ndeshje për të patur më shumë kohë për të rikuperuar.
“I inkurajova lojtarët të shkonin dhe të merrnin pak diell. Ata kanë qenë në këtë situatë, pa ndërprerje, për 18 muaj. Ndonjëherë, mënyra më e mirë për t’u rigjallëruar dhe për të qenë të freskët është të shkëputeni dhe të merrni kohë”, tha Rosenior.
Chelsea ka qenë në aktivitet pa pushim, pasi një vit më parë shkoi deri në finalen e Conference League (e fitoi) dhe më pas deri në finalen e Kupës së Botës për klube (e fitoi). Për pasojë, ka patur pak ditë pushim për të përgatitur sezonin aktual.
“Kjo ishte ideja ime, që ata të pushojnë kur kanë mundësi. E di që njerëzit e vënë në dyshim këtë gjë nëse nuk fitojmë ndeshje, por në atë moment ishte gjëja e duhur për lojtarët duke pasur parasysh ngarkesën e punës që kanë patur muajt e fundit”, tha Rosenior.
“Niveli i tyre i angazhimit dhe intensitetit në stërvitje ka qenë vazhdimisht i shkëlqyer dhe duhet të vazhdojë kështu që ne të kemi sukses“, deklaroi trajneri I Chelsea.
The post Rosenior: Ky ekip ka 18 muaj pa bërë pushim, kam këshilluar lojtarët të marrin rreze dielli në ditët e lejes appeared first on Telesport.
